நாமக்கல் மாவட்டத்தில், நாளை முதல் 5 நாட்கள் கன மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
இது குறித்து நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள, வானிலை முன் அறிவிப்பில் கூறியுள்ளதாவது:
நாமக்கல் மாவட்டத்தில், கடந்த வாரம் பரவலாக மழை பதிவாகியுள்ளது. பகல் நேர வெப்பநிலை 95 டிகிரி ஃபாரன்ஹீட் மற்றும் இரவு நேர வெப்பம் 75 டிகிரி ஃபாரன்ஹீட் அளவில் நிலவியது.
நாளை அக் 17ம் தேதி முதல் 21ம் @ததி வரை 5 நாட்கள், அதிகபட்ச பகல்நேர வெப்ப நிலை 89.6 டிகிரி முதல் 91.4 டிகிரி ஃபாரன்ஹீட் வரை இருக்கும். குறைந்தபட்ச இரவு நேர வெப்பநிலை 66.2 முதல் 73.4 டிகிரி ஃபாரன்ஹீட் வரை இருக்கும்.
5 நாட்கள் வானம் மேக மூட்டத்துடன் காணப்படும். காற்றின் ஈரப்பதம் 80 முதல் 100 சதவீதம் வரை இருக்கும். காற்று கிழக்கு தெற்கு மற்றும் தென்மேற்கு திசையில் இருந்து, மணிக்கு 6 முதல் 8 கி.மீ வேகத்தில் வீசக்கூடும்.
மாவட்டத்தில் இன்று 17ம் தேதி 34 மி.மீ., 18ம் தேதி 33 மி.மீ., 19ம் தேதி 37 மி.மீ., 20ம் தேதி 35 மி.மீ., 21ம் தேதி 37 மி.மீ., வரை மழைக்கு வாய்ப்புள்ளது என தெரிவிக்கப்பட்டுள்ளது.
